Астана мен Алматы оралмандарды қабылдамайды
Еліміздің екі ірі мегополисінде оралман мәртебесін беру уақытша тоқтатылды.
Бұл туралы Алматы телеарнасы хабарлайды. Еліміздің өзге аймағанда оралман мәртебесін алу оңай болғанымен, бас қалаларда тұрғысы келетіндердің саны көп. Екі қалада, Алматы мен Астанада тұрақтап қалғысы келгендерге жаңа талап қойылатын болды: олар кем дегенде 4 жыл бір мекен-жайда тұруы тиіс; есеп-шотында 2,6 миллион теңге ақшасы болу шарт.
"Алматы қалалық ІІД көші-қон полициясының мәліметінше, 2013 жылы қалада 8 мыңнан астам этникалық қазақтар тіркелген. Ал 2014 жылы бұл көрсеткіш екі еселеп өсе түсті. Былтыр 15 мыңнан астам этникалық қазақтар келіп, уақытша тіркеуге тұрған. 2015 жылдың бір айында, қаңтар айында олардың саны 838-ге жетті", - дейді Алматы қалалық ІІД баспасөз қызметінің жетекшісі Салтанат Әзірбек.